Latest News

தினம் தினம் ஏராளமான பணி வாய்ப்புகள்

Showing posts with label திரைத் துளி. Show all posts
Showing posts with label திரைத் துளி. Show all posts

பாகுபலி படத்தில் நடிக்கும்போது கையில் காசு இல்லாமல் அல்லாடிய பிரபாஸ்

ஹைதராபாத்: பாகுபலி படத்தில் நடிக்கும்போது பிரபாஸ் கையில் செலவுக்கு பணம் இல்லை என்று இயக்குனர் ராஜமவுலி தெரிவித்துள்ளார். ராஜமவுலி இயக்கத்தில் பிரபாஸ், ராணா உள்ளிட்டோர் நடித்த பாகுபலி 2 படம் கடந்த வெள்ளிக்கிழமை வெளியானது. பாகுபலி மற்றும் அதன் இரண்டாம் பாகத்தில் நடிக்க வசதியாக பிரபாஸ் கடந்த 5 ஆண்டுகளாக வேறு எந்த படத்திலும் நடிக்கவில்லை.

இந்நிலையில் இது குறித்து ராஜமவுலி கூறியிருப்பதாவது,

பிரபாஸ்

பிரபாஸ் பாகுபலி படத்தில் நடிப்பதற்கு முன்பு தொடர்ந்து 3 ஹிட் கொடுத்திருந்தார். தயாரிப்பாளர்கள் எல்லாம் பணத்தை எடுத்துக் கொண்டு பிரபாஸ் பின்பு ஓடினார்கள்.

பாகுபலி

பிரபாஸோ தன்னை தேடி வந்த எந்த பட வாய்ப்பையும் ஏற்காமல் பாகுபலி படத்தில் மட்டுமே கவனம் செலுத்தினார். தயாரிப்பாளர்களிடம் இருந்து எதையும் வாங்கக் கூடாது என்று தனது மேனேஜரிடம் கூறினார்.

பணம்

பாகுபலி படத்தில் நடிக்கும்போது ஒரு கட்டத்தில் அவருக்கு பணம் இல்லாமல் கஷ்டப்பட்டார். தயாரிப்பாளர்கள் ரொக்கம், செக்குகளோடு அவர் வீட்டிற்கு படையெடுத்தார்கள். சிலர் எதையும் எதிர்பார்க்காமல் பணம் கொடுக்க முன்வந்தனர்.

பயம்

தயாரிப்பாளர்கள் படையெடுத்ததை பார்த்து பயந்துபோன பிரபாஸ் எனக்கு போன் செய்தார். இந்த பணத்திற்கும் வேலைக்கும் தொடர்பு இல்லை என்று பத்திரம் எழுதி வாங்கச் சொன்னேன். ஆனால் அவர் மறுத்துவிட்டு பணத்தை வாங்கவில்லை.

விளம்பர படம்

ரூ. 10 கோடி சம்பளத்தில் விளம்பரப் படம் ஒன்றில் நடிக்கும் வாய்ப்பு பிரபாஸை தேடி வந்தது. ஆனால் அவர் அந்த வாய்ப்பை கூட ஏற்க மறுத்துவிட்டார். பிரபாஸுக்கு பொய் சொல்லத் தெரியாது. அவர் யார் மனதையும் காயப்படுத்தக் கூடாது என்று நினைப்பவர் என்றார் ராஜமவுலி.

அந்த நடிகை மாதத்திற்கு ஒரு காதலருடன் உல்லாசம்: மோட்டார்மவுத் நடிகை

மும்பை: பிரியங்கா சோப்ரா மாதத்திற்கு ஒரு காதலருடன் உல்லாசமாக இருப்பதாக நடிகை ராக்கி சாவந்த் விமர்சித்துள்ளார். ராக்கியை பாலிவுட்காரர்கள் மோட்டார் மவுத் என்று தான் கூறுகிறார்கள்.

பாலிவுட்டில் சுத்தமாக மார்க்கெட் இல்லாமல் உள்ளார் ராக்கி சாவந்த். இதனால் அரசியல் பக்கம் போனார். அரசியலுக்கு சென்ற வேகத்தில் பெரிய கும்பிடு போட்டுவிட்டு சினிமாவுக்கே திரும்பி வந்துவிட்டார்.

சர்ச்சை

ஏதாவது சர்ச்சையை கிளப்புவது இல்லை சர்ச்சையில் சிக்குவதுமாக உள்ளார் ராக்கி சாவந்த். பாலிவுட் நடிகைகளை நேரம் கிடைக்கும் போது எல்லாம் விமர்சித்து வருகிறார்.

பிரியங்கா சோப்ரா

பிரியங்கா சோப்ரா ஹாலிவுட்டில் மிகவும் பிரபலமாக உள்ளார். இந்நிலையில் அவர் மாதத்திற்கு ஒரு காதலருடன் உல்லாசமாக இருப்பதாக தெரிவித்துள்ளார் ராக்கி சாவந்த்.

பொறாமை

ராக்கி சாவந்துக்கு பாலிவுட்டிலேயே மவுசு இல்லை. இந்நிலையில் ஹாலிவுட்டில் மிகவும் பிரபலமாகியுள்ள பிரியங்கா சோப்ராவை பார்த்து அவருக்கு பொறாமை என்கிறார்கள் இந்தி பிரபலங்கள்.

வயித்தெரிச்சல்


தீபிகா படுகோனேவும் ஹாலிவுட் சென்றார். ஆனால் அவரால் அங்கு பெயர் எடுக்க முடியவில்லை. இந்நிலையில் பிரியங்கா ஹாலிவுட்டில் ஜெயித்திருப்பது பல பாலிவுட் நடிகைகளுக்கு வயித்தெரிச்சலை ஏற்படுத்தியுள்ளதாம்.

அவ மட்டும் கையில கிடைச்சான்னா... சமந்தா தேடுவது யாரை?

மீண்டும் சமந்தாவை நோக்கி அந்த வதந்திகள் பரப்பப்படுகிறதாம். அதனைப் பரப்பியவர்கள் யார் என்று தேடிக்கொண்டிருக்கிறாராம்.

பொதுவாக திருமணம் நிச்சயம் ஆகிவிட்டால் நடிகைகளுக்கு பட வாய்ப்புகள் குறைந்துவிடும். ஆனால் திருமண நிச்சயதார்த்தத்துக்கு முன்பு கூட வாய்ப்பில்லாமல் இருந்த சமந்தா அதன் பின்னர் செம பிஸியாகி விட்டார். 

விஜய், சிவகார்த்திகேயன், விஷால், ராம்சரண் என முன்னணி ஹீரோக்களுடனும், சாவித்திரியின் வாழ்க்கை வரலாறு போல லீட் ரோல்களிலும் கூட நடித்து வருகிறார். ராம்சரணுடன் நடிக்கும் படத்தின் படப்பிடிப்பு சமீபத்தில் தடைபட்டு நின்று போனது. உடனே 'சமந்தாவுக்கு மீண்டும் தோலில் பிரச்னை. வெயிலில் அவரால் நடிக்க முடியவில்லை' என்று கிளப்பி விட்டு விட்டார்கள். தனது போட்டி நடிகைகள் தான் பொறாமையில் இப்படி வதந்தி கிளப்புகிறார்கள் என்று அவர்களைத் தேடி வருகிறாராம் சமந்தா.

கவுதம் கார்த்திக் ஹீரோயினுக்கு ஆபாச போட்டோ அனுப்பி மாணவர் தொல்லை

மும்பை: நடிகை சோனாரிகா பதோரியாவுக்கு 8 மாதமாக தொல்லை கொடுத்து வந்த கல்லூரி மாணவரை போலீசார் கைது செய்துள்ளனர்.

தெலுங்கு, இந்தி படங்களில் நடித்து வருபவர் சோனாரிகா பதோரியா. தேவோன் கி தேவ் மகாதேவ் டிவி நிகழ்ச்சியில் பார்வதியாக நடித்து பிரபலம் ஆனவர் சோனாரிகா.

கவுதம் கார்த்திக்கின் இந்திரஜித் படத்தின் நாயகி அவர் தான்.

செல்போன்

மகாராஷ்டிரா மாநிலத்தில் உள்ள குர்கெதா கிராமத்தை சேர்ந்த 23 வயது கல்லூரி மாணவருக்கு கடந்த ஆண்டு அக்டோபர் மாதம் சோனாரிகாவின் செல்போன் எண் கிடைத்துள்ளது.

தொல்லை

செல்போன் எண் கிடைத்ததில் இருந்து அந்த மாணவர் சோனாரிகாவுக்கு அசிங்கமான மெசேஜ், புகைப்படங்கள் அனுப்பி தொல்லை கொடுத்து வந்துள்ளார்.

சோனாரிகா

சோனாரிகா அந்த மாணவரின் எண்ணை பிளாக் செய்தபோது அவர் புதிய எண்ணில் இருந்து தொல்லை கொடுத்து வந்துள்ளார். சுமார் 7-8 மாதமாக அவர் சோனாரிகாவுக்கு தொல்லை கொடுத்துள்ளார்.

போலீஸ்

மாணவரின் தொல்லை தாங்க முடியாமல் சோனாரிகா அவர் மீது மும்பை போலீசில் கடந்த பிப்ரவரி மாதம் புகார் அளித்தார். இதையடுத்து போலீசார் அந்த மாணவரை தற்போது கைது செய்துள்ளனர்.

Recent Post