Latest News

தினம் தினம் ஏராளமான பணி வாய்ப்புகள்

Showing posts with label இலங்கை. Show all posts
Showing posts with label இலங்கை. Show all posts

கண்டியில் குப்பைமேடு இடிந்து விழும் அபாயம்: மக்கள் அச்சம்

கண்டி மாவட்ட கொஹாகல பகுதியில் அமைந்துள்ள பாரிய குப்பைமேடு இடிந்துவிழும் அபாயம் ஏற்பட்டுள்ளதாக அப்பகுதிவாசிகள் அச்சம் தெரிவித்துள்ளனர்.

சுமார் 35 ஏக்கருக்கும் மேற்பட்ட நிலத்தில் இந்த குப்பைமேடு அமைந்துள்ளது.

கண்டி நகர சபை மற்றும் ஹாரிஸ்பத்துவ நகர சபை பிரதேசங்களில் இருந்து அகற்றப்படும் குப்பை கடந்த சுமார் 40 ஆண்டுகளாக இந்த பகுதியில் குவிக்கப்பட்டு வருகின்றது.

இந்த குப்பைமேட்டில் சில பகுதிகளில் வெடிப்புக்கள் ஏற்பட்டுள்ளதாக தெரிவித்துள்ள பகுதிவாசிகள் அதன் சரிவுகள் ஏற்பட்டால் பாரிய உயிர் சேதங்கள் ஏற்பட வாய்ப்புக்கள் இருப்பதாக எச்சரித்துள்ளனர்.

குப்பைமேட்டில் புதையுண்டவர்களை தேடும் பணியில் முப்படை

கொழும்பு அருகே குப்பை மேடு சரிந்தது: பலி எண்ணிக்கை 16 ஆக உயர்வு

இந்த குப்பைமேடு காரணமாக டெங்கு காய்ச்சல் உற்பட ஆபத்தான நோய்கள் பரவி வருவதாகவும் அவர்கள் குற்றம்சாட்டியுள்ளனர்.

அதே போன்று குப்பைமேடு காரணமாக மகாவலி கங்கையின் நீர் மாசடைந்து வருவதாக தெரிவித்துள்ள பிரதேசவாசிகள், இதன் மூலம் பாரிய சூழல் பிரச்சனைகள் உருவாகியுள்ளதாகவும் மேலும் தெரிவித்தனர்.

இது குறித்து கருத்து தெரிவித்த மத்திய மாகான சபையின் அதிகாரி ஒருவர் இந்த குப்பைமேடு குறித்து மாகாண அதிகாரிகள் தொடர்ந்து அவதானித்து வருவதாக தெரிவித்தார்.

குப்பைமேடு அமைந்துள்ள பகுதியில் மேலும் குப்பைகளை கொட்டுவதை நிறுத்துவது சம்பந்தமாக உள்ளூராட்சி மற்றும் மாகாண சபை அமைச்சர் பாயிசர் முஸ்தபா மற்றும் மத்திய மாகாண முதலமைச்சர் சரத் ஏக்கநாயக்க ஆகியோர் இடையே பேச்சுவார்த்தைவிரைவில் நடைபெறவுள்ளதாகவும் அந்த அதிகாரி மேலும் தெரிவித்தார்.

கைதான 30 ரோஹிஞ்சாக்களை தடுப்பு முகாமிற்கு அனுப்பிய இலங்கை

காங்கேசன்துறை கடற்பரப்பில் சனிக்கிழமை படகு ஒன்றிலிருந்து கைது செய்துள்ள 30 ரோஹிஞ்சா இனத்தவரையும், 2 இந்தியர்களும் திங்களன்று மல்லாகம் நீதிமன்றத்தில் காவல்துறையினர்ஆஜர்படுத்தியுள்ளனர்.

இவர்களில் ரோஹிஞ்சா 30 பேரையும் கொழும்பு மிரிஹான தடுப்பு முகாமுக்கு அனுப்பி வைக்குமாறு உத்தரவிட்டுள்ள மல்லாகம் நீதிபதி, இந்தியர்களான இரண்டு படகோட்டிகளையும் வரும் 16 ஆம் தேிதி வரை விளக்கமறியலில் வைக்குமாறு காவல்துறையினருக்கு ஆணையிட்டுள்ளார்.

இவ்வாறு தடுப்பு முகாமுக்கு அனுப்பி வைக்குமாறு உத்தரவிடப்பட்டிருக்கும் ரோஹிஞ்சாக்களில் 14 பேர் ஆண்கள், பெண்கள் உள்ளிட்ட பெரியவர்கள் என்றும் ஏனையோர் சிறுவர்கள் என்றும் தெரிவிக்கப்பட்டுள்ளது.

இந்தியாவில் அகதி முகாம் ஒன்றில் இருந்து தப்பி வேறு ஒரு நாட்டுக்குச் செல்வதற்காகப் பயணம் மேற்கொண்டபோது, இவர்கள் காங்கேசன்துறை கடற்பரப்பில் படகில் இருந்து கைது செய்யப்பட்டுள்ளதாகக் கூறப்படுகின்றது.

தனித்தனியாக மே தின கூட்டம்: ஸ்ரீ லங்கா சுதந்திரக் கட்சியில் பிளவா?


பாரிய கருத்து மோதல்களை சந்தித்துள்ள ஜனாதிபதி மைத்ரிபால சிறிசேன தலைமையிலான ஸ்ரீ லங்கா சுதந்திரக் கட்சி இரு அணிகளாக பிரிந்து மே தின கூட்டத்தை நடத்த தீர்மானித்துள்ளது.

மே தினக் கூட்டங்கள் தொடர்பாக சிறிசேன அணியின் சுவரொட்டி ஜனாதிபதி சிறிசேன அணியின் மே தினக் கூட்டம் இன்று திங்கள்கிழமை மாலை கண்டியில் நடைபெறவுள்ளது.

கட்சியின் ஆலோசகரும், முன்னாள் ஜனாதிபதி மகிந்த ராஜபக்ஷ அணியின் மே தினக் கூட்டம் இன்று கொழும்பு காலிமுகத்திடலில் நடைபெறவுள்ளது.

இது குறித்து கருத்து தெரிவித்துள்ள முன்னாள் ஜனாதிபதி மகிந்த ராஜபக்ஷ ஸ்ரீ லங்கா சுதந்திரக் கட்சி தற்போது ஐக்கிய தேசிய கட்சியின் தேவைகளுக்கு அமைய வழிநடத்தப்பட்டு வருவதாக குற்றம்சாட்டியுள்ளார்.

இதன் காரணமாக கட்சி பாரிய பின்னடைவை சந்தித்துள்ளதாக கூறிய அவர், கட்சியை ஆதரிக்கும் சகல தரப்பினரும் தனது அணியுடன் சேரவேண்டுமென்று வேண்டுகோள் விடுத்தார்.

ஸ்ரீ லங்கா சுதந்திக கட்சியை காக்க வேண்டுமானால் நல்லாட்சி அரசாங்கத்தில் அமைச்சக பதவிகளை வகித்துவரும் சுதந்திரக் கட்சி அமைச்சர்கள் பதவிகளை ராஜினாமா செய்து தனது அணியுடன் இணைந்து கொள்ள வேண்டுமென்று முன்னாள் ஜனாதிபதி மகிந்த ராஜபக்ஷ மேலும் தெரிவித்தார்.

ஆனால், இந்த குற்றச்சாட்டுகளை நிராகரித்துள்ள மைத்ரிபால சிறிசேன அணியின் அங்கம் வகிக்கும் அமைச்சர் எஸ்.பி. திசாநாயக்க ஸ்ரீ லங்கா சுந்திரக் கட்சியை ஆதரிக்கும் சகல தரப்பினரும் தனது அணியுடன் ஒன்று சேரவுள்ளாதாக தெரிவித்தார்.

கட்சியை சேர்ந்த சிலர் தனியாக நடத்தவுள்ள மே தினக் கூட்டத்தின் மூலம் சுதந்திரக் கட்சிக்கு எந்த பாதிப்பும் ஏற்படாது என்று அவர் மேலும் தெரிவித்தார்.



ஸ்ரீ லங்கா சுதந்திரக் கட்சியின் தலைவராக செயல்பட்ட முன்னாள் ஜனாதிபதி மகிந்த ராஜபக்ஷ கடந்த ஜனாதிபதி தேர்தல் தோல்வியின் பின்னர் கட்சி தலைமைத்துவத்தை தற்போதைய ஜனாதிபதி மைத்ரிபால சிறிசேனவிடம் ஒப்படைத்தது குறிப்பிடத்தக்கது
அந்த பின்னர் கட்சியின் கட்சியின் இரு பிரிவினரும் பகிரங்கமாக கருத்து மோதல்களில் ஈடுபட்டு வருவது .காணக்கூடியதாக உள்ளது.

இலங்கை சிறையில் இருந்த தமிழக மீனவர்கள் 38 பேர் விடுதலை... உறவினர்கள் மகிழ்ச்சி

யாழ்ப்பாணம்; இலங்கை சிறைகளில் இருந்து இந்திய மீனவர்கள் 38 பேர் விடுதலை செய்யப்பட்டுள்ளனர்.

எல்லை தாண்டி மீன் பிடித்ததாகக் கூறி தமிழகத்தைச் சேர்ந்த மீனவர்கள் இலங்கை கடற்படையால் 38 பேர் சிறைபிடிக்கப்பட்டனர். அவர்களை விடுதலை செய்ய வேண்டும் என்று தமிழகத்தில் தொடர்ந்து கோரிக்கைகள் விடுக்கப்பட்டு வந்தன.

இந்நிலையில், இன்று யாழ்ப்பாணம் சிறையில் இருந்து 30 பேரும், வவுனியா சிறையில் இருந்து 8 பேரும் இலங்கை அரசால் விடுதலை செய்யப்பட்டனர்.

விடுதலை செய்யப்பட்ட மீனவர்கள் அனைவரும் ராமேஸ்வரம் மற்றும் புதுக்கோட்டை மாவட்டங்களை சேர்ந்தவர்கள் என்பது குறிப்பிடத்தக்கது.

இதுதவிர, நூற்றுக்கும் மேற்பட்ட படகுகள் இன்னும் விடுவிக்கப்படாமல் இலங்கை அரசின் வசம் உள்ளன. அவை அனைத்தையும் விடுவிக்க வேண்டும் என்று தமிழக மீனவர்கள் தொடர்ந்து குரல் எழுப்பி வருகின்றனர்.

இலங்கை இனமோதலில் காணாமல் போனோர் குறித்த 10 முக்கிய தகவல்கள்


இலங்கையில் 1983-2009 இனப்போர் நடந்து முடிந்தது.

இந்த போர்க்காலத்தில் சுமார் 20 ஆயிரம் பேர் வரையில் காணாமல் போயுள்ளதாக ஜனாதிபதியினால் நியமிக்கப்பட்ட காணாமல் போனோர் பற்றிய விசாரணைக்குழு தெரிவித்துள்ளது.

யுத்த காலத்து குடிமக்கள் கணக்கெடுப்பின்படி ஒரு லட்சத்து 40 ஆயிரத்துக்கும் அதிகமானோர் காணாமல் போயிருப்பதாக மன்னார் ஆயர் ஐநா மனித உரிமை ஆணையாளருக்கு முறையிட்டுள்ளார்.

இவர்களில் எவரும் கண்டு பிடிக்கப்பட்டதாகவோ அல்லது இறந்ததாகவோ கண்டறியப்படவில்லை.

இவர்களில் பெரும்பாலோனோர் அரச படைகளால் பிடிக்கப்பட்டதாகவோ அல்லது படைகளிடம் சரணடைந்து பின்னர் காணாமல் போனதாகவோ ,அவர்களது உறவினர்களும், மனித உரிமை அமைப்புக்களைச் சேர்ந்தவர்களும் கூறுகின்றனர்.


தற்போது அமைக்கப்பட்டிருக்கும் காணாமல் போனோருக்கான அலுவலகம் என்ற அமைப்புக்கு முன் இதே பிரச்சனை குறித்து விசாரிக்க அமைக்கப்பட்ட பரணகம ஆணையம் அதன் பணி முடிவடையாத நிலையில் 2016ல் நிறுத்தப்பட்டது.


காணாமல் போனோர் பிரச்சனை : இலங்கைப் போரின் மாறாத வடு
ஐ.நா மனித உரிமைக்கவுன்சில் இது குறித்து விசாரணைகள் மேற்கொள்ளப்பட வேண்டும் என்று கூறியிருக்கிறது.

1989ல் அரசு ஜேவிபி கிளர்ச்சியை ஒடுக்க எடுத்த முயற்சிகள் போதும் இது போல ஆயிக்கணக்கான இளைஞர் யுவதிகள் காணாமல் போயினர்.

பிரபலமான சிங்கள கேலிச்சித்திர ஊடகவியலாளர் பிரகித் எக்னலிகொட காணாமல் போன பல சிவிலியன்களில் ஒருவர்.

விடுதலைப்புலிகள் அமைப்பில் இருந்து இராணுவத்தில் சரணடைந்த பலரும் காணாமல் போயிருக்கின்றனர்.

ஒட்டு மொத்த இலங்கையும் எனக்கு ஒரே தொகுதியே!- மஹிந்த ராஜபக்ச

ஒட்டு மொத்த இலங்கையும் எனக்கு ஒரே தேர்தல் தொகுதியாகும் என முன்னாள் ஜனாதிபதி மஹிந்த ராஜபக்ச தெரிவித்துள்ளார்.
காலி முகத் திடலில் இன்று நடைபெறவுள்ள கூட்டு எதிர்க்கட்சியின் மே தினக் கூட்ட ஏற்பாடுகளை பார்வையிட நேற்று சென்றிருந்த போது ஊடகவியலாளர்கள் எழுப்பிய கேள்விக்கு அவர் இவ்hறு பதிலளித்திருந்தார்.
அவர் மேலும் கூறுகையில்…
மே தினக் கூட்டத்தில் பங்கேற்கும் மக்களை தடுக்க பல்வேறு முயற்சிகள் மேற்கொள்ளப்படுகின்றன.
பிரச்சினைகளை சவால்களை எதிர்நோக்கி மேலும் தைரியமாக நாம் முன்நோக்கி நகர்வோம்.
அரசாங்கமும் அரசாங்கத் தரப்புக்களும் நகைச்சுவை வழங்கி வருகின்றது.அரசாங்கமொன்று மக்களுக்கு நகைச்சுவை வழங்கக்கூடாது.
காலி முகத் திடலிலிருந்து நாலா புறமும் பார்க்கும் போது கடந்த அரசாங்க ஆட்சிக் கால கட்டிட நிர்மாணங்களையே காண முடிகின்றது.
இந்த அரசாங்கம் அதனை அங்குரார்ப்பணம் செய்யவே முயற்சிக்கின்றது.
காலி முகத் திடலின் எந்தவொரு மூலையில் மே தினக் கூட்ட மேடை அமைத்தாலும் அது அரசாங்கத்திற்கு பெரும் தலையிடியை ஏற்படுத்தும் என மஹிந்த ராஜபக்ச தெரிவித்துள்ளார்.

Recent Post